تخاريف في فصل الخريف
خـلـيني أروي عـيـوني لـيـن تـبحل روى
ولـيا رويـت الـعيون الـقلب ميت عطش
شـهـرين مـدري زيـادة مـا طـعمت الـدوا
وأنــا جـروحـي عـميقة واصـلة لـلمشش
جـرحـني الـزيـن مـلعون الـرسم والـثوى
بـالـعـنق والـوجـنتين ونـجـلها والـرمـش
الـعقل والـقلب والإحـساس مـنه إنـكوى
أنـعشت قـلبي بـشعري وإنـفطر وإبـتلش
يـاسـاحر الــروح حـلـمك لا تـزيـد الـلوى
تـرى عـذاب الـفؤاد لـيا انجلط ماانتعش
حـاولت اداري جـروحي لـين قلبي عوى
ويـن التقي له علاج من الهوى والطفش
يـاجـمرة الـعـشق مـدري يـاغلاف الـنوى
أنــا دخـيـلك مــن الـحرمان وإلا غـشش
ضـيـعت مـعـك الـلـيالي والأمـانـي سـوا
والـلي حـصدته مـن الأيـام سـم الـحنش
أسـهر وأسـامر لـطيفك لـين حـظي هوى
فـي غـبة الـجب مـدري طار مثل الريش
تـبا الـحقيقة لا نـخجل حـظ مـاكل هـوا
أعمار راحت سدى بالحكي نضرب فرش
لــكـن خــلـي عـيـونـي لـيـن تـبـحل روى
ولـيا رويـت الـعيون الـقلب ميت عطش
التميز
الإهداءات
حظ ماكل هوا
رد: حظ ماكل هوا
