أبيات قلتها بمصر في السفرية الماضية
سـلام يـاللي تـمشى فـوق وجـه الـرصيف
خـفف عـلى الارض خـطواتك ورد الـسلام
لا تـحرق الـجو مـا نقدر مع الصيف صيف
حــرق الـقـلوب الـحـنونة والله إنـه حـرام
أنـا بـدارك غـريب وضـيف لـن قلت ضيف
وأنــت كـريـم تـرحـب بـالـضيوف الـكـرام
خــلـك رحــيـم عـلـينا يـالـحنون الـرهـيف
يـابـلسم الـشـوق مــدري يـالـهيب الـغـرام
رجــع زمـاني ربـيعي بـعد فـصل الـخريف
عـل وعـسى تـرجع أعـوامي لخمسين عام
فـيـك الــدوا لـلـفؤاد الـلي هـجره الـوليف
يـاجـنة الـحـالم الـلـي ضــاع عـمره حـلام
هـذي خـلاصة مـشاهد فـي عيون الكفيف
مـــدري تــلاقـي قـبـول ٍ مـنـك وإلا مــلام
إن جــئـت يـامـرحبا صـديـق والإ حـلـيف
وإن رحت وجه الرصيف يصير ماهو تمام
سـلام يـاللي تـمشى فـوق وجـه الـرصيف
خفف على الارض خطواتك ومني السلام
ⒿⒶⒷⒺⓇ
التميز
الإهداءات
وجه الرصيف
رد: وجه الرصيف
