طابت أوقاتكم بالمسرات
اليكم ما جادت به القريحة
....................
ياللي تدور للنصح والنصاحه
ابعد عن دروب العنا والعجاجه
لا تقرب اللي فيه بعض الوقاحه
يعديك بطبوعه وشاين مزاجه
وإن كان حدك حال تضوي مراحه
خلك حريص وبعد ضيق انفراجه
تراه لو يدري عن السر باحه
لا تأمن المخبول فيه ارتجاجه
واحذر من اللي ماتميز مزاحه
ترى الزلل بالمزح من غير حاجه
وليا بلاك الوقت ترى السماحه
أخير من مجلس كثير اللجاجه
انجح علاج المشكلات الصراحه
وأكبر معوبة بالرجال السماجه
وقصر النظر ممكن علاجه جراحه
المشكلة قصر العقل وش علاجه
ومن لا تحرص بعد ضحكه مناحه
يعقد حجاجه بعد فلة حجاجه
ⒿⒶⒷⒺⓇ
التميز
الإهداءات
قصر العقل وش علاجه !!!
رد: قصر العقل وش علاجه !!!
