طيفك الساري !!!

طابت أوقاتكم أين ما كنتم

القصيد اللي تراقص  لأجل  عين  الشفوق

صار في فكري وعيني من  عيون  القصيد

ياغرام   العمر   يا   منتهى   فتنة    وذوق

علميني   ليش   حبك   غدى   للفكر   قيد

كل  ما  جئتي  ببالي   سريت   بلا   رفوق

أتبع    أطيافك    وذكرى    تزين    للنشيد

طيفك  الساري  لعيني  مثل  لمع  البروق

وكل فكرة ترسمك في عيون الشعر  سيد

مرحبا  يا   درة   الحسن   يانبض   العروق

يا  مناة  الروح  حبك  سكن   حبل   الوريد

استبحتي    للمشاعر    وحياك     الخفوق

شوفتك   للعين    جنة    وللمشتاق    عيد

في  غيابك  عيت  النفس  ياشوقي   تروق

المشاعر    تلتهب    كنها    صالي    حديد

وفي حضورك  تلتهب  بالقصايد  والطروق

كل معنى منك يحسب على الساحة  جديد

ياغرام   العاشق   اللي    تولع    بمعشوق

وش   دواء   علة   هوانا   ومعسوله   بعيد

من سنين القلب يرجف هوى صار محروق

وأحسب إن الوقت  ينسيه  وأشواقه  تزيد

من مغيب الشمس لين  انتفاجأ  بالشروق

اتبع  أحلام   الهوى   وأنتهى   منها   وأعيد

ضعت  ما  بين  الأماني  وعادات   وحقوق

كيف أسوى يا شفوق الهوى  حكمه  شديد

والظروف  الكايدة   يامنى   روحي   تعوق

هب   ياحظٍ(ن)تردى    ويا    قلبٍ(ن)عنيد

إن بغيت  أطاوعه  مت  من  لهفة  وشوق

وإن  بغيت  أعانده  مت  من   بعدٍ(ن)نكيد

مير  هذا  حظ  عمري  معك  حظ  مخنوق

حظ عشقي في وصالك  مثل  حظ  العبيد

يالقصيد اللي تراقص لأجل  عين  الشفوق

صرت في فكري وعيني من عيون القصيد

صح لسانك دائما مميز

تقبل التحية

صح لسانك مدد ماهو عدد

تقبل التحية

رووووعة صح بوحك استاذ الشعر الراقي

مبدع يعطيك العافية

صح لساااانك

صح لسانك ابداع لا يستغرب منك

صح بوحك تلعذب استاذ الشعر الراقي يعطيك العافية

الله الله


صح لساااااااانك

صح لسانك ابداااااع


احترامي

صح لسااانك ابداع معهود ومشهود

تقبل التحية