نظرة عابرة قد تغير من حال الى حال
النظرة الأولى لك والثانية عليك
ومن النظرة اللي لي ولدت هذه الأبيات علها تروق لكم
يا هجوسي خافقي كل ما فاق يغشا=والمشاعر تحرق الدم في حبل الوريد
البروق تنوض في عين ملهوف الحشا=والرعود بقلب جابر وماطرها قصيد
الفؤاد اللي طعنه الهوى ما قط إرتشا=مير ماهو صابني يا بشر شيء جديد
كان سدي بئر ما يلحقه حبل الرشا=لين طحت بعين من عينها سهمه يصيد
وإختلفت ورحت فيها غدا مدري عشا=طحت طيحة من يدينه ورجلينه بقيد
الهوى من طب بحره وكاد بيبلشا=لو تظاهر بالسعادة حشا ماهو سعيد
دام منهو وقعه بالمهالك ما انعشا=النهاية مثل شيك إنكتب ماله رصيد
الحسايف مكسب اللي بذا الخطة مشا=العنا رفيق عمره ومشواره بعيد
لو تورى بالليالي وسرٍ(ن)ما فشا=الزمن كفيل يكشف ذكيٍ(ن)من بليد
مير بنخا للقصائد طريقي تبرشا=عل صدري ينفرج كربه اللي ما يهيد
القصيد يزين لا من شاعره حيل إنتشا=والقصيد يشين لا صار مضمونه زهيد
والوداع ختام يا مي مدري يا رشا=رمشك اللي صابني بالخطأ نزفه شديد
ارحلي قدام يا بنت بالدمع اجهشا=لو بكينا دم يا بنت شنهو نستفيد
يا هجوسي خافقي كل ما فاق يغشا=والمشاعر تحرق الدم في حبل الوريد
التميز
الإهداءات
البروق تنوض في عين ملهوف الحشا !!!
رد: البروق تنوض في عين ملهوف الحشا !!!
