هواجيسي على فكري طيور تحوم !!!

أسعد الله أوقاتكم بكل خير


الأبيات بدون مقدمات

أنا البارح سرى بي هاجسي ما ذقت طعم النوم=
سرى بي يتبع الأحلام في رحلة جنونيه=
من المغرب هواجيسي على فكري طيور تحوم=
تنقلني على جنحانها بكل السعوديه=
جنوب وشام غرب وشرق وحصان الفكر مقحوم=
يبي هذي يبي هذيك لا هذي ولا ذيه=
ألا يا هاجسي بالهون لا تتعب بطرد حلوم=
ترى بعض السوايا كايدة مليون بالميه=
ترفق بي ترى قلبي زماني طاعنه بسهوم=
طعون الوقت ما تبرى ياليته طعن شبريه=
أموت بعز شامخ خير من موتي قهر وهموم=
أنا ماني برجلٍ(ن)ينهزم دام الجسد حيه=
ليا مني بغيت لحاجتي ما جبتها مهزوم=
أدورها وأنا مرفوعي راسي صادق النيه=
ولاني بأخذ إلا ما كتب ربي ولي مقسوم=
لكني ببذل المجهود والدبره إلاهيه=
عويني خالقي سبحانه الخلاَّق للمعدوم=
يعرف الحال ما يخفاه بالروحات والجيه=
أنا البارح سرى بي هاجسي ما ذقت طعم النوم=
سرى بي يتبع الأحلام في رحلة جنونيه=

صح لسانك دائما مميز


تقبل التحية

قصيدة حلوة وتصميم ممتاز صح لساااااااااانك

صح نبضك واحساسك شاعرنا الراقي ربي يوفقك

الله الله

جزلة صح لسااااااااااااانك

صح لسانك مدد ماهو عدد


ابدعت لله درك


تقبل التحية

صلسانك رائعة لله درك ايها المبدع

صح لسانك مليون ولا يكفون جزلة من جزل

صح لسانك وبيض الله وجهك ابدعت لله درك

صح لسانك وسلم بنانك ربي يسعدك