(( طريق عشيرة ))

السلام عليكم ورحمة الله وبركاته

وكل عام وانتم بخير

كنت اتمنى ان اعايدكم بأفضل من هذه ,لكن لعلها ترتقي لمستوى ذوائقكم ....

الـوزيـر مقضّيٍ صيفيـتـه بــــأســفــاره=مهتني بالصيف يقضي كل يوم بـ"ديرة"

تخدمــه طيـارتـه مـا يـركـب السـيـــارة=وكل شعب المـملـكه مثله، حسب تفكيره

مـا يشـوف بعيـنه اللـي فوقها النظــارة=حالنا اللي عايشينه,من سبب تقصيرة

كل يوم الموت يهـدي للنـعش مسمــاره=وكل يوم نجـدد الذكرى بنفـس الســيرة

الدمـا تـهـدر ورد الـفــعـل بالقــطّـارة=كن دم الــمؤمن الآمــن فقــد تقديره

مـرةٍ يمـــنا الطــريق ومــرةٍ بـيساره=موقفٍ يصعب على راع النظر تصويرة

ذاك هو حالي وحاله من نهار اقراره=لا جزا الله خير من همّش خطط تطويره

مالي وللـصايـم اللـي ماات وقت افطـاره=غير عون الله ولا أرجي عون شخصٍ غيره

ويا جباره ليتك لبعض الكسـور جـباره=لو كسور عظامنا تصعب على التجبيرة

مات أملنا فالسنة عشرين من تـذكـاره=ومات حلمك ما تحقق يا "طريق عشيرة"

محبكم/ عبدالاله محمد المقاطي

27/9/1433هـ

الله يعطيك العافية



جزلة ومعبرة تعالج واقع مرير والله المستعان


صح لسانك


تقديري

بيض الله وجهك قصيدة شاعر متمكن وناقش قضية مهمه جداً وهكذا الشعر في مكانه الصحيح والمفترض على كل شاعر . لله درك.





اعجابي وتقديري واحترامي لك ..وتقييمي ....

صح السانك ياعبدالاله
مبدع وشهادتي فيك مجروحه

صح لسانك



جزلة من جزل بيض الله وجهك

صح لسانك مليون ولا يكفون لكن الربع ما يدرون

صح لسانك


ماهو عشيرة فقط كل البلد بهالحالة والجنوب اسوء طرق

صح لسانك


ماهي عشيرة فقط


الا كل الطرق خربانه