|
|
يأهـل موتـر لوحتـه فوقهـا رمـز الكـويـت |
صادرٍ(ن)من من عندنا عقب خلص عمرته |
ليـا وصلتـوا داركـم وجبـوهـم بـيـت بـيـت |
وسلمـوا لـي فـوق منـهـو سبتـنـي غـرتـه |
قولـوا الشاعـر عرفنـاه واحـد مـن ثبـيـت |
الرجـل معـروف والطيـب ميـزه لأسـرتـه |
وإن نشدكم وش يبا قولوا أنتـه مـا دريـت |
الـرجـل مـحـرور وعيـونـك الـلـي حـرتــه |
وعلموه الأرض لـو تنطـوي لأجلـه طويـت |
مثـل مـا يطـوي خليـجـي بـراسـه غتـرتـه |
وعلموه إن كـان وده بشوفـي لـه مشيـت |
ليـن أكحـل عينـي بشـوف زاهـي حمـرتـه |
وعلمـوه إنـي تصـبـرت لـكـن مــا قـويـت |
دام وده فــوق قـلـبـي مـركــب جـمـرتـه |
وعلمـوه إنـي تسلـيـت لـكـن مــا سلـيـت |
كـل مــا حـاولـت طيـفـه جنـونـي فـرتـه |
وعلمـوه إنـي هويـتـه وغـيـره مــا هـويـت |
كيـف بنكـر حـب روحـي قبـل قـد قـرتـه |
وعلموه إن كان صافي ترانـي لـه صفيـت |
المشـاعـر والقصـايـد تـــرى مـــا غـرتــه |
وعلموه إن كـان ناسـي ترانـي مـا نسيـت |
ما نسيت وصوف مضنـون قلبـي ونظرتـه |
وعلموه إن الهوى لـن كتمتـه وإن حكيـت |
خـيــره لـولـفــي ولا تـلـحـقـه مـضـرتــه |
ثـم ردوا لـي خبـر للكـلام الـلـي عطـيـت |
وش يقـول الصاحـب اللـي ظنونـي بـرتـه |
نكـمـل المـشـوار والا يـهـدم مـــا بـنـيـت |
وأدري إنــه يفـهـم السالـفـه لــن مـرتــه |
لا يفـوت العمـر مـا تفيـدنـا يالـيـت لـيـت |
الـعـمـر مـــا ينـلـحـق لا تـركـنـا زهـرتــه |
الليـالـي مقفـيـه مــا تـعـود لـــو بـغـيـت |
والله أعلـم وش لنـا مــن مـقـدر صـرتـه |
ياأهـل موتـر متجـه عصـر رايــح للكـويـت |
علـمـوا مضـنـون عيـنـي يـكـرر عـمـرتـه |
|
التميز
الإهداءات
يأهل موتر لوحته فوقها رمز الكويت !!!!
رد: يأهل موتر لوحته فوقها رمز الكويت !!!!
