ياام العيون الناعسات المضاليل

ياام العيون الناعسات المضاليل = رمشك ليا سلهم مثل سهم قتال

صاب الخفوق وذاق منه الغرابيل = وامسى طريح فراش والدمع همال

ودموع عينه بللن المناديل = ماطاب له نومه ولا طابت الحال

والدمع ماعاب الرجال الحلاحيل =الشوق هز القلب ثم الدمع سال

والحب له سكره تجيب البهاذيل =مجنون ليلى جاه من حبه اهبال

والشوق مثل النار وسط المعاميل = كلن يبى يشرب من الكيف فنجال

الله على اللي لابسات الخلاخيل =لامال منهن الخصر قلبنا مال

يازين ليل العشق فيه التعاليل =مع الوليف اللي له القلب ميال

فاالليل للعاشق تطيب المواويل =والصبح يلقى له من الناس عذال

الله الله


قصيدة متعوب عليها يا عبدالرحمن


صح لسانك

صح بدنك يابن هليل وهذا بفضل الله ثم بتشجيعكم لي

صح لسانك ابدعت وفقك الله بانتظار جديدك

صح بدنك ياصادق الوعد وكلك ذووووووق ولك احترااااااااااااااااااااامي

والدمع ماعاب الرجال الحلاحيل =الشوق هز القلب ثم الدمع سال

الدمع لايكون إلا للقلوب الحانية المفعمة بالحب تحمل مالا حدود له من الآهات و الحنين ..


والحب له سكره تجيب البهاذيل =مجنون ليلى جاه من حبه اهبال

والشوق مثل النار وسط المعاميل = كلن يبى يشرب من الكيف فنجال

شاعرنا عبد الرحمن : حرفك هنا كـ فصل الربيع تستيقظ فيه الفراشات لتحيا بحب .

دمت متألقاً ..
تقديري

شكرا لمرورك العطر ياعبير الشوق وتوقفك عند بعض الابيات والتعليق عليها وتحليلها دليل على احساسك المرهف ولكي مني اجمل تحيه

شاعرنا المبدع عبدالرحمن المسعودي

صح لسانك وبيض الله وجهك

قصيده في غاية الجمال الشعري

الراقي ...الله يعطيك الف عافيه

لك التحيه

صح بدنك يابن عميش وهذا من ذووووووووووووووووووقك واسعدني مرورك

وتقبل تقديري واحتراااااااااامي

الاخ الشاعر عبدالرحمن المسعودي

يازين ليل العشق فيه التعاليل=مع الوليف اللي له القلب ميال

صح لسانك

تحياتي