ياام العيون الناعسات المضاليل
 

ياام العيون الناعسات المضاليل = رمشك ليا سلهم مثل سهم قتال

صاب الخفوق وذاق منه الغرابيل = وامسى طريح فراش والدمع همال

ودموع عينه بللن المناديل = ماطاب له نومه ولا طابت الحال

والدمع ماعاب الرجال الحلاحيل =الشوق هز القلب ثم الدمع سال

والحب له سكره تجيب البهاذيل =مجنون ليلى جاه من حبه اهبال

والشوق مثل النار وسط المعاميل = كلن يبى يشرب من الكيف فنجال

الله على اللي لابسات الخلاخيل =لامال منهن الخصر قلبنا مال

يازين ليل العشق فيه التعاليل =مع الوليف اللي له القلب ميال

فاالليل للعاشق تطيب المواويل =والصبح يلقى له من الناس عذال

رد: ياام العيون الناعسات المضاليل
 

الله الله


قصيدة متعوب عليها يا عبدالرحمن


صح لسانك

رد: ياام العيون الناعسات المضاليل
 

صح بدنك يابن هليل وهذا بفضل الله ثم بتشجيعكم لي

رد: ياام العيون الناعسات المضاليل
 

صح لسانك ابدعت وفقك الله بانتظار جديدك

رد: ياام العيون الناعسات المضاليل
 

صح بدنك ياصادق الوعد وكلك ذووووووق ولك احترااااااااااااااااااااامي

رد: ياام العيون الناعسات المضاليل
 

والدمع ماعاب الرجال الحلاحيل =الشوق هز القلب ثم الدمع سال

الدمع لايكون إلا للقلوب الحانية المفعمة بالحب تحمل مالا حدود له من الآهات و الحنين ..


والحب له سكره تجيب البهاذيل =مجنون ليلى جاه من حبه اهبال

والشوق مثل النار وسط المعاميل = كلن يبى يشرب من الكيف فنجال

شاعرنا عبد الرحمن : حرفك هنا كـ فصل الربيع تستيقظ فيه الفراشات لتحيا بحب .

دمت متألقاً ..
تقديري

رد: ياام العيون الناعسات المضاليل
 

شكرا لمرورك العطر ياعبير الشوق وتوقفك عند بعض الابيات والتعليق عليها وتحليلها دليل على احساسك المرهف ولكي مني اجمل تحيه

رد: ياام العيون الناعسات المضاليل
 

شاعرنا المبدع عبدالرحمن المسعودي

صح لسانك وبيض الله وجهك

قصيده في غاية الجمال الشعري

الراقي ...الله يعطيك الف عافيه

لك التحيه

رد: ياام العيون الناعسات المضاليل
 

صح بدنك يابن عميش وهذا من ذووووووووووووووووووقك واسعدني مرورك

وتقبل تقديري واحتراااااااااامي

رد: ياام العيون الناعسات المضاليل
 

الاخ الشاعر عبدالرحمن المسعودي

يازين ليل العشق فيه التعاليل=مع الوليف اللي له القلب ميال

صح لسانك

تحياتي