انا مريت سوق عكاض الايا ليـت مامريـت=تذكـرت الزمـان اللـي قديـم ووقتناالغالـي
بغيت اصيح باعلى الصوت يازاحم لكن ازريت=وجلست اتذكر الماضي ودمع العيـن همالـي
ومرني ثـلاث ووقفـت وحـده وانـا لديـت=وقالت عاشق ومغرم ويبكي فـوق الاطلالـي
وقلت العشق ماهوعيب قالت عيدها موحيـت=وقلت امر تدلل لجـل عينـك يابعـد حالـي
وقالت من تكون وقلت شاعر من رجال اثبيت=وقالت شيخكم فارس عريب الجـد والخالـي
وقلت اشيوخنا مرجع عتابه كلهـم مـن بيـت=وقالت مسلط اللي حطله فـي نجـد منزالـي
وقلت العود جدي خاله البـراق راع الصيـت=زعيم و راعي النخـوه وللصعبـات حلالـي
وقالت باسلك بالله في ماضيـك وش سويـت=اشوفك منشغل فكرك حزين وضايـق البالـي
وقلت الحب ياغض النهد بلوى وانـا حبيـت=وسوق عكاض واهله زودو همـي وغربالـي
الا ياليتني للسـوق ياغـض النهـد ماجيـت=تذكرت الزمان اللـي قديـم ووقتنـا الغالـي