بسم الله الرحمن الرحيم
لا نقول الا ما قال الله: انا لله وانا اليه راجعون
ورحل ركن من أركان القبيلة رحل أبو مشعل بعد أن خلد لمن بعده الذكر الطيب والسمعة الحسنة
رحل الشيخ: ناجم بن عبد الجبار الثبيتي بعد طول معاناة مع المرض
وهذه سنة الله في خلقه ولا راد لقضائه
وحقيقة الكلام لا يوفي هذا الرجل حقه ولكن لعل ما يجده أمامه عند ربه خير وأبقى...
وبهذه المناسبة المؤلمة اليكم هذه الأبيات
الله يرحم حي بالأمس موجود=واليوم من تحت الثرا دافنينه
موفي فروض الله بخشوع وسجود=والله وهبه الخير من كثر دينه
راع العلوم الطيبة منبع الجود=دائم على الطالات تسبق يمينه
ريف الضعيف وعون من كان محدود=طول السنين الماضية خابرينه
طول العمر والبيت بالضيف مريود=راعي هلا ماتصد للخلف عينه
تقطر يمينه بالدسم والكرم زود=والله في كل المواقف عوينه
سيف(ن)على العدوان ساطي ومجرود=حتى بوقت العسر يضحك جبينه
ناجم فقيدة عزوته مذخر العود=أقفا وحال الموت بيني وبينه
يالله يا رحمن يامذري النود=تجعله بالجنه بعد صار وينه
في عالي الفردوس شاهد ومشهود=مع الخيار اللي قبل ساكنينه
منا الدعا ونعيد ونعيد ونعود=يالله ترحم من غدا لاحدينه
جوف الثرا بعد الغنا صار ملحود=يارب تغفر زلته وإقض دينه