جعل الله أوقاتكم كلها خير وبركة
واليكم الأبيات....بدون مقدمات
إنتظرتك كثير وليش طال الغياب=غيبتك ربع ساعة كنها بالف عام
ما هناني طعام ولا هناني شراب=ولا تريحت لحظة بالصحو والمنام
ودي أسمع لصوتك يا شجي الجواب=وأسألك ويش تعرف بالهوى والغرام
كان ولياك تعرف للخطأ والصواب=عالج جروح قلبي قبل يغدي حطام
أنت سبة جروحه والشقا والعذاب=وأنت عندك دواه وغايته والمرام
ينتظر طلتك بالحب والا عتاب=كلها منك حلوة يا فراخ الحمام
ودي أطير أنا وإياك فوق السحاب=ودي أعيش في عالم بليا ملام
من بعدنا عسى الدنيا تروح بخراب=بس أنا وأنت والدنيا عليها السلام