السلام عليكم ورحمة الله وبركاته
يسرني أن أهديكم هذه الأبيات المتواضعة علها تروق لكم
ودي اسألك(ي)سؤال وجاوبيني=هل كلامك صح والا ماكره؟
كنتي البارح كثير تراوديني=فاكرة والا بعد مو فاكره!!
حين كنتي بالكلام تسامريني=كل ما قلتي طٌبع بالذاكره
كل ماهو دار ما بينك وبيني=في صميم الروح نبضي حاكره
تقربيني شوي ثم تبعديني=تذكرة لقدوم ثم مغادره
تحلفين وتخلفين وتحرجيني=تائه(ن)بالواردة والصادره
وين ودك بالكلام توصليني=خالطة للشائعة بالنادره
هو صحيح العلم والا تجامليني=صارت الأفكار معك(ي)حائره
طول ليلي في فلكك تدوريني=المساء كله ندور بدائره
تزعلين شوي ثم تزعليني=ونتسامح والمشاعر فاتره
ياجميلة من غرورك إرحميني=ما تحمل للجنون الثائره
صارحيني يا جميلة صارحيني=القلوب بكل شيء شاعره
أدري إنك يا جميلة ما تبيني=الحكاية في حياتك عابره
ليا رحلتي يا جميلة ودعيني=والمشاعر يا جميلة شاكره
بس لي مطلوب ممكن تذكريني=ليا سألك القلب قولي:خابره
أكتبيني في قصيدك وأنثريني=في سطورك بالشعر والخاطره
بالنهاية يا جميلة سامحيني=كان صار قصور ماني ذاكره
الخطأ وارد على مر السنيني=العذر مني ومثلك عاذره