السلام عليكم ورحمة الله وبركاته
بدون مقدمات اليكم الأبيات
نهاية عيد رفعت الأيد الا يالله توفقني=نصيت السيل بأول ليل راعي دار ومعايد
أسوق الروح أجي واروح قبل الوقت يسرقني=أدير أفكار وأشعل نار لا قرب ولا باعد
سبقت الجمع خوف الربع فوق العد تسبقني=لقيت الجم قام يزم لا صادر ولا وارد
طرقت الباب بالأداب والحشمة تطوقني=لقيت الدار فيه أحرار لا قلة ولا واجد
خطر بالبال فيه أحوال وظنوني تصدقني=حصل تكميل والتدليل بين الراس والساعد
سألت الناس الا ماباس وين اللي مرافقني=وش اللي صار وين النار والبراق والراعد
سألت الذيب وين العيب قال:عيون ترمقني=شوي تشوف ناس وقوف شاهد والزمن شاهد
بدينا الحفل فوق الزل وأفكاري تلاحقني=بعد ماريت الا ياثبيت طاح الضلع بالمارد
قضيناها على ما جات ود وهات تحرقني=قضينا وإنتهينا جو لا ساخن ولا بارد
بكررها و امررها قبل منقود يلحقني=بلم الشمل وأرض الكل بالأقراب والنايد
هدفنا فوق مهما نذوق غيره ما يروقني=ودرب المجد لإبن وجد ما يفرح به القاعد
عقدت العزم جد وحزم دونه ما تعوقني=جبال تهول والا زحول درب المجد للماجد
بكمل سير مهما يصير هذا ما يحمقني=مشينا الدرب شرق وغرب الا ياوالي تساعد
برد طروق معنى ذوق تخرجني وتمرقني=حلوم سهوم فرك خشوم للي يبدي معاند