السلام عليكم ورحمة الله وبركاته
ما كان بودي أقول شعر برمضان
لكن تجري الأقلام بما لا تشتهي الأنفس
توبة ظلمت القصيد وبعلن التوبه=واللي كتبته من الأشعار دمرته
كنت أحسب الشعر قبلك زاهي(ن)ثوبه=وليا بغيته على ما ريد سخرته
حتى دخلت بحياتي تاه ملعوبه=ضاعت معان القوافي يوم دورته
كل الطواريق منطوقه ومكتوبه=تعجز عن أوصاف غاليتي ووخرته
الشعر والنثر يعجز وصف رعبوبه=أخذت فؤادي ومعلنته ومسررته
طفرة بدنيا غرامي غير محسوبه=خضع لها القلب والتفكير حذرته
دور بفلك من توده وإتبع دروبه=لأجل الغلا ماضي الأفكار غيرته
ما عاد تبصر عيوني غير محبوبه=ترقص على القلب لين الشوق فجرته
نهبت فؤادي وهي تقول:منهوبه=واللي حصل بيننا بالحرف سطرته
لقيت فيها جميع أوصاف مرغوبه=واللي حفظته قبل معرفه بعثرته
هي غايتي بالحياة أعز مطلوبه=هي حلمي اللي تحلمته وفسرته
حرمت جنس النساء من بعد ذا النوبه=واللي عرفته قبل معرفه طيرته