قصيدة من أجمل القصائد التي مرت بي
جيت المكان وحن قلبي وناديت=وردد صدى صوتي هضاب شواهيق
ذاك المكان اللي به العام مريت=اظهر خفا قلبي وفك الصناديق
بغيت اسلي خاطري لكن ازريت=عيت تسليني كثر الطواريق
عن واحد حبه بقلبي بنى بيت=وثبت مقره بين حدب المعاليق
عليه انا ابكي كل مااصبحت وامسيت =وازعج بصوتي وانا يابس الريق
ابكي وانادي صاحبي لين مليت=والدمع غرق محجر العين تغريق
واقول ياسيد العرب ليه صديت=وخليتني عايش على الهم والضيق
باقي ولا انسى مامضى لو تناسيت=تبقى معزتنا كما شامخ طويق
منقول الشاعر غير معلوم لدينا