يانسايم هبوب الشمال=
ذعذعي بنسيم العليل=
دام ليل الهواجيس طال=
وفي حناياي زاد الغليل=
هبي بريح زين الدلال =
كامل الوصف ماله مثيل=
القمر لو يرى كان قال =
اشهد فيه غيري جميل=
كلما شفت ذاك الاقبال =
اذكر اللي لرزقه كفيل =
مثل ريم يهاب الظلال =
سامع حس راع الفتيل=
لا مشى فوق متن الرمال=
يصبح الرمل ورد ونخيل=
ولا نظر في عروض الخيال=
كل وادي سدوده تسيل =
ولا حكى ضاع كل احتمال=
قام الاصم صوبه يميل =
امتلكني شبيه الغزال=
واصبح القلب عنده دخيل=
لو ذبحني غرامه حلال =
صرت فدوه لرمش ظليل=
ما علي من كلام يقال =
من يلوم المولع هبيل =
المحبه تضد الرجال=
كم شجاع سببها قتيل=
وحالي اليوم ما هو بحال =
من سبايب وليفي نحيل =
غاب عني وهد الوصال=
واصبح الجفن نومه قليل=
كان حبي معه لا يزال=
مارضينا بغيره خليل =
وان جفاني وشد الرحال=
حسبي الله ونعم الوكيل=
عبد الله بن خديعه المري