هذه القصيده لشاعر محمد مريبد العازمي
وهو احد الشعراء الخمسه المتأهلين إلى الحلقه الاخيره
من برنامج شاعر المليون.
عليـك اتكالـي يالله العفـو والغـفـران=تفـرّج لقلبـي سبـة الهـم والضيـقـه
حمدتك على ماانزلت من نعمـة النسيـان=وانا عبدك اللـي خايـف ذنوبـه تعيقـه
حصل ماحصل للعبد قـد قالهـا سلطـان=وانا اللي حصل من صاحبي شي مااطيقه
لو اني مسامح واتحمل بعـض الاحيـان=وا طّوف خطا الصاحب ولااحب تدقيقـه
مااحب الخطا الجارح ولا الذل والحقـران=وانا شارب(ن) من دلـة العـز وابريقـه
هبوب الندا هزت بقلبـي غصيـن البـان=عسى خيـر ياحلـم(ن) تمنيـت تحقيقـه
لكن الزمن سكّـر علـى دربـه البيبـان=وانا مالي اللي الا ارضى بعذره وتصديقه
هجرني وانا توي صغير(ن) على الاحزان=وتوكل وانا ادعي لـه مـن الله توفيقـه
رحل والله انه مادرى عن غـلاه انسـان=ولايمكـن الايـام تكـشـف مواثيـقـه
رحل ماذخر عن وجهي الاالدموع الـوان=وانا ناشف(ن) ريقي وهو ناشف(ن) ريقه