على جال الطريق اللي رسم في داخلي همه=
نفذ دمع الورق حسره و لوعة تثمر احزاني=
وعلى ذيك الدروب اللي تزيد بخافقي غمه=
طفى ضو القمر ليله ... وصوت الآه سجّاني=
وعلى لحن الفراق اللي نفث في آخري سمه=
تعبت استوهم الفرحه وجيش الحزن ينصاني =
تعبت اعزف على جروحي وقلبي غارق بدمه=
تعبت ابحر على مركب ولا ادري وين عنواني=
حليم وفاض به صبره ويمسح دمعه بكمه=
يضيق وخافقه ذايب على درب الهوى عاني=
فضح صبر الحكي زفره ولكن ما نطق فمه=
على ذاك الحبيب اللي غيابه اتعب اعياني=
احبه رغم تقصيره واسيّر خطوتي يمه=
فداه العمر وايامه فدا له ماضي ازماني=
عشقته كيف ما ادري وحضني يثمل بشمه=
اصب الكاس واهمس له تفضل واشرب الحاني=
عزفت و ما حكيت إلا قصيدِ ف الحشا ضمه=
نزفت وما لقيت الا منافي داخل اوطاني=
وكنّي والزمان المر ّ .. غريبٍ يفرح بلمّه=
على نية فرح كاذب يقول اقرب وقهواني=
وأول شي علمي به طواني العشق في كمه=
واخر شي دريت اني انا المجني وانا الجاني=
مما راق لي