أسعد الله أوقاتكم بكل خير
اليكم الأبيات رسمتها من خيالات
علها تروق لكم وتجانس الواقع
قالت:حبيبي لحظة الروج باين=في شفتك من شفتي باقي الروج
تبا أمسحه بالكف والا بفاين=قلت:أتركيه الروج ما يعطل هروج
اللي تشوفينه لعينك مباين=لا تحسبينه روج لو لونه يموج
لونه حمر لكن دقق وعاين=هذا نزيف القلب من عرق مفجوج
شفتك تبا ترحل ولا هو بهاين=شهقت شهقة وإنقطع عرق بالعوج
يا قدرة الله يا بعد كل ماين=اليا ذكرت فراقنا روحي تلوج
قالت:حياتي التزم بالسكاين=لا بد ياتي يوم للهم وفروج
تكفا حبيبي كان للود صاين=حافظ على الأسرار من كل مرجوج
قلت:العفو ماني بسافل وخاين=هذي تقال لسافل الناس وعلوج
أما أنا لو كنت ذا لحين لاين=وقت القساوة يابس الراس ما موج
فكري وروحي والمشاعر رهاين=كله على شأن الغلا لطرف مدعوج
قالت:بروح وبيننا عاد لاين=وإحذر تكون بتالي الوقت مفلوج