مايداوي جرح من حبـك طبيـب
ومايزيد الحزن ياكـود الغيـاب
لا البعيـد يعالـج الآم القريـب
ولا القريب يحقق احلام القـراب
والغريب اللي قضى عمره غريب
شابت احلامه وهو تـوه شبـاب
لاسكنه الجرح قال ارجوك جيـب
حاجةٍ تنهـي حياتـه والعـذاب
وان رحل لاتبتعد عنـه وتغيـب
عانقه لو كان في وسط التـراب
ياحبيب العمر يا اغلـى حبيـب
كيف تتركني كذا والشـوق ذاب
لاوصلتك دايم ضنونـي تخيـب
ولا ابتعدت اواجهك حزن وعتاب
كل جرح بسبتـك عيـا يطيـب
وكل دمعة صارت بعيني سـراب
ومجمل احلامي معك عيت تصيب
والسؤال ارتاح في حضن الجواب
لاتعود بـي علـى ذاك اللهيـب
دامني مابيـن ضيقـة واكتئـاب
تسلم ايدينك انـا مابـي طبيـب
خلني مرتاح فـي جـو الغيـاب