اولا: صح لسانك وبيض الله وجهك
وفيت وكفيت وما عليك قصور
ثانيا: هذا تكملة الرد أبيات بنفس الطاروق
القاف شرح وبرح ما فوقه لفاف=وش حدك تكرر حروف المناطيق
منته بحاجة تكمل البيت بسعاف=دام النفس مرتاح زفرات وشهيق
خلك على ما قيل للخيل عساف=لا تقرب علوم تعقب تعاليق
ومن بعدها برسل لك الجيب والهاف=تنفعك بالمقناص وطرد الغرانيق
اليا نطحت طويق مع خبت صفصاف=ما كنها الا سباع تطرد لواحيق
مشروبها الممتاز ما تشكي أتلاف=من حر مالي ما ولوها سواويق
وختامها عداد من حج وإطاف=مني عليك البيض ما فيه تبريق
بارك الله فيك
تقبل تحيتي