المعذرة تأخرت عليكم
لكن من جاء ما أبطى
ومن طول الغيبات جاب الأبيات
ولى زمان الهم والغم ولى=غرد لنا طير السعد يوم حليت
قلبي وفكري والشعر فيك هلا=والنور شع بخاطري حين طليت
يا مرحبا يا من على الروح حلا=جدد حياتي بعد ما كنت مليت
ملك هجوسي والفؤاد إستحلا=أحيا شعوري بعد ما كان كالميت
أحس قلبي تله الشوق تلا=وده يطير يجيه ياليت ياليت
وده يشوف البدر يومه تجلا=أبهر عيوني بشرقته يوم لديت
سبحان من صوره كمل وحلا=لقيت فيه اللي لروحي تمنيت
حوى المحاسن والبس الحسن دلا=حير قصيدي بالحسن وأربك البيت
كل الخيال اللي من أول تخلا=وأمسيت كني لابستني عفاريت
ما فكر الا فيه ما عاد املا=طيفه يلاحقني ليا أصبحت وأمسيت
غالي وأنا بغليه مهما تغلا=يرخص له الغالي وأنا ما تغاليت
عسى العذارى فدوته غصب والا=يصبحن خدامه ليا حل بالبيت