تزعل وتتكبر وحنا مـــــــــــــن طين ---- والكل منــــــــــا صد لا أقبل خويه

نفخر نقول إنــــــا على الصد قاوين ---- وهي علينا فـــــــي الحقيقة قويه

نشفق على الطيبة وكسب الكريميين ---- وهاذي بنـــــــــا لا شك فعلة رديه

ننسى نهايتنا وعلى وين مـــــا شين ---- وننسى الزمان اللـي جمعنا سويه

المشكلة ما هـــي بـ حاجة لـ تخمين ---- ولا هي بعد يا ناس صعبة القضيه

دق الرقم كيف هــــــــلا فيك وأهلين ---- أنـــــــا الخوي اللي مزعل خويه

قله تغيب وصورتك داخـــــــل العين ---- ويبقى لـ حبك فــــي خفوقي بقيه

أخوان حنا لـــــــــو يجي بيننا شين ---- ومـــــــــا نفترق دام المحبة نديه

خلك قـــــــوي لا تحتكرك الشياطين ---- قبل الفوات وقبل وقـــــت المنيه

كلــــم خويك بـ اطيب الهرج واللين ---- لا بـــــد بين الناس تحصل خطيه

ومـــــن لا يقدر غلطة احبابه الحين ---- يقرأ حروفي ويعتبرهـــــــا هديه

بـــــــــاكر تمر سنين وسنين وسنين ---- والكل يرحل في الدروب المديه

صدقني تندم وأذكر حروفنا زيـــــــن ---- تندم على خلك إذا غــــاب ضيه

دنيا غريبة وأكثر الناس مــــــا شين ---- وكــــم صاحبٍ والله دفنته بديه



قال تعالى { فمن عفا وأصلح فأجره على الله)

تحياتى
Abusalehanwar