الأبيات بدون مقدمات
في ثوب جديد
هذي رسالة تخبرك بنقطاعي=نهاية اللي بيننا والله أكبر
كرت حمر ممدود لك من ذراعي=وإن كان ما كفاك في كفي أخطر
اليوم أنا قررت بطوي شراعي=بقطع حبال(ن)بيننا وأقصر الشر
برحل وأدور لي فجاج وساعي=ما دام بالي من طرفكم تكدر
بغير الوجهة وأغير طباعي=وأشطب على ما فات بخط(ن)أحمر
أخير وأبرك من كثير النزاعي=ماني محصل منك لا أبيض ولا أسمر
قدام لا تكثر علي المناعي=والا أصير بعيني أصغر وأحقر
كافيني اللي صار وقت إندفاعي=زرع(ن)زرعته في صحاريك م أثمر
عرفت مقداري ولا فيه داعي=تكثر علي اللوم والا تعذر
منهو شراك برخص ببلاش باعي=ومن لا تجمل فيك ماهو مقدر