وقتٍ مضى بالغلآ ماأمشي مع دروبه,,
بإترك محبتك وأبعد ويش تطلبني..
النفس طابت ولاهي فيك مغصوبه,,
هي جت من الله كذا ماعاد تعجبني..
تركت درب المحبه وأعلن التوبه,,
بإعيش مرتاح عن همٍ معذبني..
هديت بيت الغلآ طوبه ورى طوبه,,
بيديك هديت حبك تحسبك تبني..
ياما سمحت أتغاضى والخطأ دوبه,,
أرضيك باللي تبي لو إنك متعبني..
لو كان نفس الشقي باالحزن مغلوبه,,
حملت حزنك على حزنٍ مصاحبني..
أخلصت لك بالغلآ والنفس مطلوبه,,
راجع ضميرك ولاتقدر تكذبني..
واليوم وقت الغلآ شفته دنا غروبه,,
أظن ماعاد به شي يرغبني..
وقتٍ مضى بالغلآ ماأمشي مع دروبه,,
بإترك محبتك وأبعد ويش تطلبني..
النفس طابت ولاهي فيك مغصوبه,,
هي جت من الله كذا ماعاد تعجبني..