وبشر الصابرين
الأبيات بدون مقدمات
ماخاب منهو فوق ربه توكل=كل المصائب لا توكلت بتهون
العسر بعده يسر لوكان طول=والصبر مفتاح الفرج لو تدرون
الحال لا بده بيوم يتحول=محال يبقى الحال في عسر وليون
كل يقول اليوم ماهو كما أول=حتى العمر تلقاه من دون في دون
مهما رقيت سنود لازم تحول=تدبير خلاق المخاليق بالكون
الحزن والأفراح دايم تجول=قوم تضحكهم وقوم يونون
فرحة تنسينا هموم تهول=وليا عقبها حزن الكل ينسون
والعبد لو إنه بحاله مخول=ما كان شفت من المخاليق محزون
ما تصفي لحاكم ولا لمتسول=عسى كريم الوجه يكون بالعون