همسات شاعريه


اولا:ــ اشكرك على هذه الفكره الرائده التي ترقي بذائقنا وتضع

عن كاهلنا عناء التصفح المستمر .

ثانيا:ــ سامحك الله لقد استعجلتي في اختياري للضيافه اطلب

من الله ان يعينني وان اقدم ما يليق بمستوى هذا الصرح

الكبير القوافل العربيه....

ثالثا:ــ عذرا على التأخير ..

- ماهي علاقتك/ي بالشعر ؟!!

ج1:ــانا لست بشاعر ولكنني اهوى الشعر بكل معاني الهوايه

واتذوق الشعر الجميل ومتابع لجميع البرامج الشعريه..

ودائما تجدونني اردد كثيرا من الابيات التي تعجبني .

2- من هو شاعرك/ي المفضل ؟!!

شاعري المفضل هو الشاعر الذي يوضف مقدرته الشعريه

التوضيف السليم ويوصل رسالته الشعريه الى ذائقة محبي

الشعر وامتاعهم دون المساس والتجريح بمشاعر الاخرين.

وهم كثير ولله الحمد لعل من ابرزهم الامير بدر عبدالمحسن

وحامد زيد و خالد العتيبي ..

3- اعضاء في منتدى القوافل تثق في ذائقتهم الشعرية ؟!!

ولله الحمد كثيرون لعل زعيمهم استاذنا الغالي بن هليل

والشاعر عيضه وصاحبة الفكره والذيب و و و ....

قد اصل الى جميع من يكتب في هذه الصفحات المميزه.

4- بيت شعر يحضرك/يْ دائما ؟!!

بيت للشاعر بديوي الوقداني رحمه الله :ــ

المال يحيي رجال لا حيات بها *** كالسيل يحيي الهشيم الدمدم البالي

وكذلك بيت لابو الطيب المتنبي:ــ

انا الذي نظر الاعمى الى ادبي***واسمعت كلماتي من به صمــم

5- قصيده تعدها من اروع القصائـد ؟!!

جابك الله من غياب ضيق صدور المباني ====قبل للوحشه تزلزل بيتك الصلب وتبيده

بيتك اللي من رحلت وكل جدرانه تعاني====ماتحمل ينتظر شهريــن وعيونك بعيـــده

الله العالم لو انك جيت متأخر ثوانــــــــي====ماتشوف الا بقايا من حصاه ومن حديده

من عرفتك وانت تايه من مواني في مواني====وتارك قلبي مولع من وقيدي وفي وقيده

ضاعت سنيني احد بهالليالي وتحداني====وانت ما تشبع غياب وما تخاف من النقيده

ودي اتحمد لك الله بالسلامه ما مداني ====كل ماتوصل برحله تروح برحله جديده

دام تدري كل وجه غير وجه الله فاني ====ياخي ا**ب لك ثواب وخاف ربك في عبيده

كان فيني عيب قلي فيني العيب الفلاني ====كان هرجي مزعلك في شي قلي لاتعيده

عيب تصغر في عيوني وانت برقاب الغواني====ليه تستسهل طعوني وانت خابرني وليده

لعنبوك انت مت بيدك وش يفكك من اخواني====لاحزنوا ربعي علي فرقاي شلي تستفيده

انت منت اللي عشقته انت اكيد انسان ثاني====ليه صرت بهالبرود وهالاحاسيس البليده

وين حبك للزعل وين العناد الاولاني====وين حنيه زمان وفرحه العمر الرغيده

وين ذاك اللي ليلا اقبل مايبات الا بمان====وين راح اللي لايقفا ما يروح الا فقيده

واحد من جابه الله بس يامر ويعصاني====الوحيد اللي اخاف ازعله وامشي معه سيده

مابغيت اطيح بيده لين ماربي بلاني====والا انا لوهي بكيفي مابغيت اطيح بيده

ذاك بس اللي لامني جيته لخبط كياني====اللي بنظره ينشف دم قلبي في وريده

قبل اشوفه اجمع له احلى القصايد والمعاني ====وان لقيته ما عرفت اقول له جمله مفيده

الف مره قبله اعد القصيده من لساني====ولعنبوه ان جيت عنده قمت الخبط بالقصيده

امدحه وانا ادري انه لو تباطاني نساني====انطحه وانا ادري انه مجنون وافكاره عنيده

من يسويبي سواتك يالرهيف الاسمراني====من هو من الناس غيرك غلطته ترفع رصيده

من يقص اجناح طيرك وانت اعز انسان جاني ====ليه اخاف رماح غيرك وانت ضرباتك سديده

ان تبعتك اتبعك من طيبي وواسع بطاني====ولا انا لاجيت اكيد انسان اعرف كيف اكيده

اقدر انزع لك ثيابي والبس ثياب الاناني ====واقدر اطلع من عذابي والعب بدورك واجيده

ومستعد ا**ب رهاني لو بغيت ا**ب رهاني====واخدعك باحساس كاذب واتحدى من يصيده

ابك انا لاشفت خلي حط غيري في مكاني====والله اني لاتركه واصد واعشق سيد سيده

جيت مابيك تحقرني جيت ابيك تعز شاني====جيت ابي فزعة ضلوعك من مشاعرك البليده

خلني داخل حدودك واجبر بخاطر زماني====اكذب بباقي وعودك واصدق بلحظه سعيده

انت شلني من برودك لو تولع بالمحاني====عطني احساس بوجودك واخذ كل اللي تريده

تكفى ولايقل تكفى بيع خلق الله عشاني====لاتضيع من يديني فرصه العمر الوحيده

يعلم الله شفت منك ومن غيابك ما كفاني====كان ماتقدر تخفف هـــم قلبي لاتزيــــده

شف غيابك وش مسوي بالصدور وبالمباني====وانت تدري تدري كيف كانت صدمة غيابك شديده

والله لو انك وصلت البيت متأخر ثواني ====ما تشوف الا بقايا من حصاه ومن حديده..

اتمنى ان لم اكن ضيف ثقيل عليكم .....

ارحب بالاخ الغالي ((جريح الامس))

بأن يكون الضيف القادم

وللجميع تحيتي وتقديري