أبيات لون جديد
وشلون ما بندهش=الا بعد برتعش
من حرفك المنتعش=في حسك المرهفي
البست حرفك حلل=نسقتها في جمل
ماني بلاقي خلل=في نقشك المترفي
يكفي حروفك شرف=ربت معك في ترف
مهي بجيه صدف=تبان ثم تختفي
لقيت بين السطور=أدب وذوق وسرور
يارائعة بالحضور=القاه أنا بحرفي
بداية موفقه=للشعر متذوقه
لا كنتي مروقه=أكيد بتولفي
أبيات شعر ونثر=تسحر قلوب البشر
يا ثاقبه بالنظر=من حسك المختفي
البنك لاتقفليه=اللي معك إصرفيه
ببنوكنا إمزجيه=مصرفك مع مصرفي
خشي معي سوقنا=بنشوف وش ذوقنا
اما كـسب شوقنا=والا غدا منطفي
بعلمك تشتري=لكن لا تفتري
دبر ولا تبذري=من مكـسبك لا صفي