تراء الدنيا مدارس والمجالس تكشف الرجال = يبين الي هرج يحكم عليـه بنطقه السانــــه
ويبين أما صدق والا يسمى الراوي الــزلال = تعلم وخذ عبره و الفهيم لسانه إحصانـــــه
ليا صنته صانك وان هنته فأنت جدرك مـال = وتراء ما يميل جدراً يا فتى صلبات سيسانه
وفكر قبل تهرج لا تثيرك هرجة الجهـــــال = على العقال تحسب قبل زبد الهرج نيشانـــه
ولا احد من الخطأ معصوم ما قلته مثل ينقال = على قول المثل ما فيه عود الا بدخانـــــه
ولا كن قدر ما تقدر تجنب قول قيل وقـــال = ولو جبت الخبر لا ينشر الا معك برهانـــــه
توقع لا تعيل ولا تواطى لمن عليكم عـــال = ومد الكيل وافي لمن وفاء بالكيل ميزانــــه
وطيع الله ورسوله لا ينسيكم كثير المـــال = وطيع الوالدين احذر تطيع ابليس واعوانه
وحق الجار وفه لا تحده ينوي المحـــوال = ولا تصغ الأذن لحكيت افلانه من افلانــــه
وحق الضيف وفه كان تعرف واجب المنزال = وبيتاً ما يوف الضيف حقه خاب مسكانـــه
وختمها بذكر الي على خلقه رفيع ظلال = بصلاة على النبي يا زايرين البيت وأركانـه