اكتب حروف ابيات والقاف يغرينــــي=
من واهج بالصدر يظهر حبي الخافـي=
اكتب وبحر دموع تنزل من على عيني=
وامسح بكفي وفكري تايه غافـــــــــــي=
ومشيت اناظر ورى خطوات رجلينــي=
شعري وحبي وقلبي وباقي اوصافـــي=
واحاسب النفس قبل النفس تغوينـــي=
كرامة النفس عزة سابق اسلافـــــــــي=
ما ودي المحبوب يدري وش يبكينــي=
ولا ودي البحر ينهب مني مجدافــــــي=
لحظه سمعت الصوت لحظه من يناديني=
صوت عرفته وهو مقفاي وخلافـــــــــي=
قمت اتفكر واصوت لا تخلينـــــــــــــــي=
يا مرحبا واهلين ياحي هاللافــــــــــــي=
شف غيبتك ياحبيبي اثرت فينـــــــــي=
كل الليالي عقبكم شمعها طافـــــــــــي=
بعد الهوى والمحبه صرت ناسينـــي=
انا حبيبي تعبت وطال ميقافــــــــــــي=
امانة الله لا تغرك رعشة ايدينــــــــي=
ولا يصير قلبك يجافي عقب ما طافي=
منقول لا أعلم من الشاعر