غاب الذي من بدة الناس مغليه=أنشد عنه لكن مـا حـي شافـه
يفز لـه قلبـي ليـا مـر طاريـه=واللي سواه من المخاليـق عافـه
ما عاد أبي غيره من البيض مابيه=حتى ولو فيهم جمال ولطافه
شفي حبيب القلب والروح تفديه=قلبي تعلق فيه والشوق لافه
كل المشاعر في خفوقي تناديه=والشعر يصرخ به ليا زان قافه
بعد تمكن بالقصيد ومعانيه=ملك حياتي والحشا وإرتجافه
لو كنت عارف وين بالعون لأجيه=حتـى ولـو فيهـا عليـه كلافـه
لكن مـدري ويـن والله الأقيـه=حسافة مـا بعدهـا مـن حسافـه
لا تعذلوني عوذ ماني بناسيه=حتى ولو حال الزمن والمسافه
الله من غدر الزمن بس يحميه=كل المنى مايصير فوقه خلافه