الشعر نبض المشاعر وله قدر ومقام = عند ناس(ن) مدركه عقلها عقل(ن) رشيد

تعرف الشعر الحقيقي وتعطيه اهتمام = اشهد ان الشعر بعضه مثل عقد(ن) فريد

به معاني ساميه تستحق الاحترام = يجذبك باسلوب راقي ومغزاة البعيد

وان سمعته قلت لله دره يا سلام = ماتمله لو يعيده عليك ولو يزيد

والبعض مستشعر وطيروه اليا الغمام = واعتلى فوق المنابر واخذ يزبد زبيد

يحسب انه شاعر وقام يهذي بالكلام = والاوادم صفقوا له وقالوا عيد عيد

الشعر منه يتبرا وفعلا مايلام = ساحة الشعر امتلت مالها في الوقت سيد

اختلط بين الهزل والجزل واصبح ركام = ومن يدور للجزاله يبا يلقى المفيد

الشعر نبض المشاعر وله قدر ومقام = عند ناس(ن) مدركه عقلها عقل(ن) رشيد