أنت الهوى والحب ما عادني حي=عيدي معك طول العمر وأنت عيدي
ما أريد غيرك بالزمن للهوى شي=يا ملهمة عذب الغزل في قصيدي
هواك بعروقي مع الدم كالري=يروي عروق الشوق داخل وريدي
يا أنعم من النسناس وأعذب من المي=دامك معي ما أظن غيري سعيدي
وإن كان رحتي خافقي ينكوي كي=ينهد حيلٍ(ن)كان صلبٍ(ن)شديدي
يشتب فيني ضي يا مصدر الضي=ما عاد أميز بالزمن ويش أريدي
بعد السماحة شاعرك ينقلب عي=ويبان مكنون العيا في نشيدي
ما يصفي الخاطر ولا ينبني طي=إلا بوجودك يالغرام المفيدي
يا شمس عشقي يا هجيره ويالفي=يا ملهمتني كل معنى جديدي
أنت الهوى والحب ما عادني حي=عيدي معك طول العمر وأنت عيدي