يحق لك يابن سعيد الفخر في دنيا ودين=اسم العتيبي من تسمى به يشوش ويفخرا
ربعك عتيبة للمفاخر والغنايم كاسبين=الساس طيب والفعول تخلي الوجه أعفرا
مدحت ربعك بالقصيد وصرت ضمن المبدعين=ربعك عتيبه كلهم شعار و أنته تخبرا
أمجادهم ما تنمحي طول الليالي والسنين=تاريخهم كنز كبير وفعلهم فعل أٌمرا
والمعرفة من ساسهم حنا لها متورثين=حنا كذا من ساسنا حكام فرسان شعرا
حنا دهاة المعرفة من قبل عهد المهتدين=لطامة العايل ليا صاح الشجيع وكبرا
حنا خوال المصطفى تشهد لنا غزوة حنين=أخير من داس الثرا وأخير من ضم الثرا
والخير واجد بالقبايل سابقين ولاحقين=لكن عتيبة بينهم مثل الصقيل الأبترا
يعجبك في يوم الشدايد وإن ثنيته ما يلين=الجن تتعوذ من العتبان في ليل السرا
هذا ملخص سالفتنا كل وقت وكل حين=ربعك عتيبة مثل ضلع طويق ما يشكي زرا
راسي على وجه البسيطة وأنت يالفطن الفطين=مرسالك في ربعك عتيبة يشبهك شامخ كرا
وختامها يا بن سعيد الطيب مد الطيبن=جزاك مني في مديحك مسك مدري عنبرا
ويحق لك يابن سعيد الفخر في دنيا ودين=اسم العتيبي من تسمى به يشوش ويفخرا