اصدحي يا قصائد بيوم الوطن=خلي الناس تدري بقلبي غلاه
عشت فوقه عزيز ولا شعرت بغبن=يا الله إنك تعزه يا مجيب الدعاه
سترنا بالحياة وسترنا بالكفن=النفوس الكريمة راوية من هواه
الوطن يا بشر بالنفس غالي ثمن=ما حيينا لك الله ما نساوم علاه
ما نقدم وطنا للمطالب رهن=كلنا بالسعودية فدايا ثراه
راضعٍ(ن)حب داري بثدي اللبن=الوطن كل شيءٍ(ن)وروحي فداه
البشر عيدهم يومٍ(ن)بعام الزمن=غير حنا نعيد كل يوم بحلاه
عيدنا كل يوم الله يديم الأمن=في ذرا خادم البيتين حامي حماه
كلنا صف واحد بوجه المحن=ومن يعادي وطنا فتبت يداه
يالله إنك تجنبنا شرور الفتن=مالنا يا مليك الكون غيرك إلاه
انصر جنودنا واهلك محب العفن=يانصير الحقوق اهلك جميع الطغاه
اصدحي يا قصائد بيوم الوطن=خلي الناس تدري بقلبي غلاه