يا نون العين بسم الله على زاد السهر سميت=سهر عيني رفيق الليل يأمرني وينهاني
ليال طوال هذا حال عيني كيتها من كيت=أنا والليل والهاجوس لين الصبح صـدقاني
سرى بي هاجسي بعد البشر ناموا معه سريت=سريت أسج خيل الفكر من قاصي ومن داني
على شأن الغضي بأسهر ولن زاد الوجع ونيت=غرام حبيبي ياليل وجدي هز لأركاني
ياليل الشوق وش حدك تسهرني ولا داريت=على قلبٍ(ن)بلاه العشق وأسهر نون الأجفاني
شعلت بخافقي نار الهوى ما شبها كبريت=تذكرت البعيد وطار نومٍ(ن)غازل أعياني
تذكرت الهنوف اللي هواها فوق من حبيت=غلاها دم يجري جوف قلب وجوف شرياني
ياليل العشق ليش العشق فعله كنه العفريت=ليا هز المشاعر صاحت أفكاري وقيفاني
ياليت الحظ ياليل السهر ياتي بخلي ليت=أكمل سهرتي وإياه من شأنه ومن شأني
نبا نسقي غرام قلوبنا من عقب ما عانيت=مواجع البعاد اللي بلاها ساقم أبداني
سنين طوال راجي جيت الغالي ولا مليت=عسى حظي يجود بجيته من عقب بكاني
يا نون العين بسم الله على زاد السهر سميت=سهر عيني رفيق الليل يأمرني وينهاني