ماني بتايب عنك يا طعم بسكوت=أحيا وأموت وعنك ماني بتايب
يا بو عيونٍ(ن)دعج ومبيسمك توت=صاف الجبين وزاميات الترايب
يا مأس يا مرجان يا در ياقوت=يا جامعٍ(ن)كل العجب والعجايب
فيك الحلا والذوق والطيب مفتوت=هذا بلاء عشقي وكل السبايب
مليون مرة قلت وبعالي الصوت=اهواك قلبي من محبتـك ذايـب
خلف الضلوع اللي للأشواق تابوت=شبيت جوفي من غرامك شبايب
مشتاق لك شوق الجياعين للقوت=مدري مثل شوق الشجر للهبايب
أذكرك بين الناس والعالم سكوت=وأذكرك في زحمة كلام وطلايب
هواك بالعني مثل بلعة الحوت=اللي بلع يونس ولاني بطايب
عدة سنين القلب بالحب مكفوت=من عمري الأول وذا الحين شايب
هواك يا كل الغلا حيل ساحوت=أنساني لنفسي وناسٍ(ن)قرايب
سحرك تشابه قوته سحر هاروت=نساني لكل الأهل والحبايب
الصوت ما ينفع ليا فاتنا الفوت=هذا قدر مكتوب لا بد صايب
ما ينتهي حبك يقع شالني موت=يا أغلى من الغالين حاضر وغايب
ماني بتايب عنك يا طعم بسكوت=أحيا وأموت وعنك ماني بتايب