طابت أوقاتكم
يا صباح الخير ياريح الورود=يادوا جرحي من اوجاع الهـوى
ياسمين ومسك مازج دهن عـود=ريحتك للعاشق المغرم دوا
أنتي اغلى شيء عندي بالوجود=جامعة كل الحلا واللي حوى
حبك بقلبي تجاوز للحدود=لو فقده القلب بضلوعي عوى
ما نسيك القلب وأحلامه تزود=وصل حده بالمحبة وإستوى
يذكرك حين الركوع وبالسجود=من غرامك ذاب قلبي وإنكوى
وده بقربك تداوي للهود=جمر بعدك فوقه القلب إنشوى
مير حالت بيننا بعض القيود=ما قدرنا نجتمع ساعة سوا
لو قدرنا نجتمع على الورود=كان قلبي منك يازين إرتوى
يا عسى حظٍ(ن)منعنا ما يعود=حطم لحلمي على الرمضا هوا
والمشاعر والشعر فوقه شهود=ضاع حلم العمر والمقصد ثوى
هب يا حظٍ(ن)تخالف للعود=كل ما قلنا تعدل إلتوى
طبع حظي يشبه لطبع اليهود=ما يبين وشيريد وما نوى
يفعل الفعلة ويعطيني جحود=ومن يعدل حظ عن دربه غوى؟!
مير برسل بالتحايا للعنود=كل ما بان الصباح بلا لوى
يا صباح الخير ياريح الورود=يادوا جرحي من اوجاع الهوى