طابت أوقاتكم
يا صاحبي يا مزود الأعذار=سو ما بدا لك سو لا يهمك
ما عاد أنا وإياك لا تحتار=روح بطريقك ماني بيمك
دامك تبيني حسب ما تختار=ماني على كيفك ولا أذمك
عقلي رزين يميز الأفكار=ماني خفيف اتبعك في علمك
روحي بطرقك والزمن دوار=لا تحرق لدمي ولا دمـك
بكرة يجيك الوقت بالأخبار=بس الصبر وشوي من حلمك
لا ترمي لذاتك بوسط النار=قدام تعرف وشمدى عزمك
لكن بمان الله وماهو صار=خله بوسط القلب لو سمك
حافظ على روحك مع الأسرار=لا تأمن العاذل ولو عمك
السر مثل الطير لا من طار=سدل جناحه وأنت في غمك
مثل الحكي لن قلت للسمار=صعبٍ(ن)ترده طيره فمك
يا صاحبي يا مزود الأعذار=سو ما بدا لك سو لا يهمك