احبها واروح كلي فداها



العين يشقيها ويكثر عناها = بعد الذي تهواه بين المخاليق


ولاشافت المعشوق يكمل رضاها = هذي ترى ياناس حال العواشيق


حبيبتي ماني محصل كماها = لاشفتها ينزاح عن خاطري الضيق


من مثلها في حسنها في حلاها = ربي يجنبها عيون المطافيق


مثل الورود الي تفوح بشذاها = عبيرها ينعش وهذي توافيق


احبها واروح كلي فداها = ومن اجلها غنيت عذب الطواريق


مكانها محفوظ واحفظ غلاها = متمركزة بالقلب بين المعاليق