الأبيات
عقب استحال الوصل والجو ما زان=رسمت لك في ساحة القلب تمثال
كتبت فوقه كان بالوقت ما كان=كانت لنا ذكرى تخلد للأجيال
أنا وسيد الغيد في ماض الأزمان=شبنا وحنا بالهوى مثل الأطفال
تزعل وأراضيها ولو كنت زعلان=وأزعل وترضيني ببسمة ومرسال
حتى غدى لي حبها مثل الإدمان=مقدر مفارقها ولو بضعة ليال
واليوم صار الوضع راجح بنقصان=ما عاد تذكرني بمقفى ومقبال
مدري ملل وإلا غشى العقل نسيان=وإلا تحسب الصد بيذل رجال
ما تدري إن الصد للود نقصان=تذبح غلاها بدون تدري وينزال
طول الجفا والهجر للقلب طعان=وإلا يسبب بالعقل خف وهبال
الخوف كل الخوف ينصاب بجنان=هذا الذي ما كان يخطر على بال
عقب استحال الوصل والجو ما زان=رسمت لك في ساحة القلب تمثال