خلك صريح


ان كان غيري حاز كل اهتمامك = خلك صريح ولاتخليني احتار


لاجل ابتعد عنك واودع غرامك = ارجوك رد العلم قلبي على نار


تكفى تبين موقفك في كلامك = وانا اوعدك بارضى ولو صار ماصار


صحيح تعجبني واموت بهيامك = واذوب في عشقك ولكني اغار


في نظرتك في بسمتك في كلامك = سبحان من سواك ياملفت انظار


يحفظك رب الكون وتبلغ مرامك = ويجعلك ربي من طويلين الاعمار


ان جيتني ماني مكثر ملامك = وان رحت لك حشمه ولك كل مقدار


ان كان غيري حاز كل اهتمامك = خلك صريح ولاتخليني احتاااار