للعيد فرحة بانت بعين الاطفال
للعيد فرحة بانت بعين الاطفال = هم زينتة الدنيا وانا اشهد شهادة
ويكمل الفرحة لقى اعمام واخوال = ومواصل الاحباب كل السعادة
والشوق في قلب المحبين زلزال = يهز قلب العاشق لعين غادة
وده بعيد الفطر يهديه سلسال = ويقبل المحبوب وسط القلادة
ماحلى اللقاء من بينهم بعد ماطال = من بعد غاب الخل واكثر بعادة
للعاشق الولهان رحلة وترحال = مثل الغريب الي بعيدة بلادة
خله وطن مبني على جسر الآمال = ويدعي عسى ربه يحقق مرادة
للعيد فرحة بانت بعين الاطفال = هم زينت الدنيا وانا اشهد شهاادة
