إحصائية العضو
نغمة الشوووق هلت دموعي فوق خدي وغنيت = اروع مواويلي على نغمة الشوق دايم على بالي ليا اصبحت وامسيت = يامن ملكت الروح ياكامل الذوق وانا لعينك الحم البيت فاالبيت = ابيات تربط بين عاشق ومعشوق لياسمعت اسمك من النوم فزيت = واقول وينك ياهوى البال وافوق في غيبتك تكثر عليه التناهيت = وفي جيتك يرقص طرب كل معلوق حبك سطى باالروح فيها استقريت = برفوق ياالغالي على الروح برفوق ماغير حبك ياحبيبي تمنيت = سحرتني باالزين وبحلو منطوق انت الوحيد الي على الكل غطيت = يامن تميزتي عن الخلق بفروق تجيزك اللجنه بدون اي تصويت = وتحوز للاعجاب يااعز مخلوق فااعلى السماء يروح روحي تعليت = وتمطر سماء حبك بعد رعد وبروق بين النجوم العاليه قد تعليت = وطلتك تشبه طلت الشمس بشروق ليتك معي طول الزمن ليت ياليت = لاشافتك عيني ترى بالي ايروق هلت دموعي فوق خدي وغنيت = اروع مواويلي على نغمة الشوق