لا مايكفيني معك بعض الأوقـــات
خلّ التغلي عنك لاصـــرت غالي
إن كان وقتك من ذهب بشري لحظات
أسمع بها صـــــوتك ويرتاح بالي
ماعاد لك روحــــه علينا وجيّات
ترى حلاة أهل الهوى بالوصــــالي
أنسى بقربك هم وجروح وآهـــات
وإن غبت عني كل شــــيٍ طرى لي
أشتاق لك شوق الهوى للمســـافات
وأشتاق لك شوق القمـــــر لليالي
وأندم على وقت قبل شـــوفتك فات
وأحرص على وقـــــتٍ بحبك بقالي