صباحكم ورد وشعر
بدون مقدمان اليكم الأبيات
قالت ثواني واختفت فوق ساعة=وشلون لو قالت بجي بعد يومين
هذي ورب البيت عين القطاعـــه=اللي تسم القلب وتبكي العيــن
يا صاحبي كانك شعرت بقناعــة=في هجرنا لا تجل الصد بعديـــن
أعلنه ماني طالبك بالشفاعـــــه=روحي لو إنك عند مغليك تسوين
ماني بطالب منك سمعٍ(ن)وطاعــه=بأمان ربك يا عسى خير تلقيــــن
اللي مضى يصعب علينا إرتجاعه=واللي بقا يا بنت ما يسعد إثنين
سوق الهوى ما عاد يعرض بضاعه=والمشترى بالدين ما يوفي بدين
الحب ما ينفع بجرحه شجاعه=ما يبري جروحه سوى بلسم اللين
جد قيل قولٍ(ن)ما نسينا سماعه=أهل الهوى والحب ناسٍ(ن)مساكين
دام القلوب تحس جرح ومجاعه=وني وأنا بون ساعة تونين
ما عاد باقي بالليالي طماعه=الزين راح وحل من عقبه الشين
غيبي سنة وإلا ثواني بساعة=كان الغياب يريحك لا تعودين