احكم بشرع الله ولا تخشى خفافيش الظلام = خل القلوب عقولها تطغى على مجنونها
دام الحكم واضح سواة الشمس ما فوقه غمام = لا تزعجك بقعا ليا لاحت بروق مزونها
ما ضيع الخفاق غير البرق و ورود الغرام = اللي تفوح بعطرها وسيوف حالت دونها
القلب حاير حيرته ما بين غرب وبين شام = وش لون شجر الخوخ والرمان طاح اغصونها
مالتبروج العدل والاحسان وبروج السلام = كل القلوب تصيح غرقانه في بحر دونها
رضى البشر غايه ما تدرك ياعزيزين المقام = يصعب على الخافق ترى يرضي سواد عيونها
عدِل بروج العدل دام الجسم تنقله العظام = زاحم بجنبك الجنوب اللي عراض متونها
سيف العدل لابد ينهض دام صقر الظلم حام = ما يمنع الظالم عن المظلوم غير حصونها
يالله تكفينا شرور النفس عامٍ(ن) بعد عام = رجواك يامولاي نفسي لا تخيب ظنونها