نظرة عيونك والهدايب xxx بسهم المحبة صوّبنّي
انا بحبّك قلبي ذايب xxx وانته أبد ما تسال عني
فرقاك سبّب لي متاعب xxx همّن بقلبي وتاعبنّي
خلّيتني اقاسي مصايب xxx فرقاك سِـيدي معذّبنّي
جسمي نحل والراس شايب xxx اسنين هجرك شيّبنّي
من غير ذنب ولاسبايب xxx صدّيت عني وهاجرنّي
صوبك فؤادي دوم راغب xxx وانته فؤادك مبغضنّي
تخطي علي وتقول صايب xxx دايم في حكمك ظالمنّي
أوهمت قلبي بحب كاذب xxx خيّبت في رجواك ظنّي
عاملتني بمكرالثعالب xxx كلامك حلو وتروغ عني
انته معي أغلى الحبايب xxx لكن صدودك متعبنّي
مايفيدني طبّ وطبايب xxx قربك ثواني يشفينّي